Білім саласындағы өзгерістердің білікті көшбасшыларын жан-жақты және сапалы дайындауға қолайлы жағдай жасау мақсатында ағымдағы жылдың 26-29 наурыз аралығында Павлодар облысының Білім беруді дамытудың инновациялық орталығы «Кадрлық резерв мектебін» ұйымдастырды.
«Кадрлық резерв мектебінің» екінші күні білім басқармасы басшысының орынбасары Қадырова Самал Қанатқызының қатысуымен өткен фасилитативтік кездесуден басталды.
Педагогикалық шеберханада «Менеджмент және көшбасшылық» бағыты бойынша қарқынды сабақтар болашақ көшбасшылардың басқару құзыреттілігін дамытуға бағытталған.
Кадрлық резерв мектебінің жұмысы заманауи білім беру менеджерінің тұлғалық әлеуетін ашу қағидаттарына негізделген.
