2024 жылғы 20 желтоқсан күні «Әдістемелік кабинеттердің қызметін трансформациялау» тақырыбында әдістемелік күн өтті. Семинарға аудандық, қалалық білім беру бөлімдерінің әдістемелік кабинет меңгерушілері мен әдіскерлері қатысты.
Білім беруді дамытудың инновациялық орталығы басшысы Б.Т.Аушахманова педагогтердің біліктілігін арттыруда сапалы әдістемелік сүйемелдеуді қамтамасыз ету, оның қызметті ынталандыруға ықпалы, білім беру жүйесіндегі әдістемелік кабинеттердің рөлі жөнінде баяндады.
Семинарға қатысушылар оқу-әдістемелік жұмысты ұйымдастыру және жүзеге асыру мәселелерін талқылады, әдістемелік кабинеттер қызметінің негізгі аспектілерін, әдістемелік қызметті трансформациялау жағдайындағы тиімді әдіскер қызметінің құрылымын қарастырды.
Семинар жұмысының қорытындысы бойынша қатысушылар пікір алмасып, өз ұсынымдарын енгізді.
