Жас мамандарды қолдау және олардың кәсіби дайындығын арттыру мақсатында Павлодар облысы Білім басқармасының білім беруді дамытудың Инновациялық орталығы 2025 жылғы 15-16 сәуірде Әлкей Марғұлан атындағы Павлодар педагогикалық университеті мен Б.Ахметов атындағы педагогикалық колледжінің 310 студент – түлектеріне арналған «Мамандыққа кіріспе» атты екі күндік семинар өткізді.
Іс-шара болашақ мұғалімдерде педагогикалық қызметті бастау үшін қажетті практикалық дағдыларды қалыптастыруға бағытталған. Семинар аясында қатысушылар Қазақстан Республикасының білім беру саласындағы нормативтік-құқықтық актілермен терең танысуға, сондай-ақ оқу сабақтарын қысқа мерзімді жоспарлаудың негізгі принциптері мен алгоритмдерін зерделеуге мүмкіндік алды.
Семинарда осы сұрақтар қарастырылды: қолданыстағы заңнаманы және педагогтің кәсіби стандарттарын талдау, қысқа мерзімді жоспардың құрылымы мен мазмұнын зерттеу, оқу мақсаттарын құрастыру, тапсырмаларды тұжырымдау, бағалау критерийлерін анықтау бойынша практикалық сабақтар.
Бұл іс-шара білім беру саласындағы келешек мұғалімдер үшін кәсіби даму және тәжірибе алмасу алаңы болып табылады.
Коуч-сессияға қатысу – түлектер үшін тәжірибелі педагогтармен және әріптестермен болашақ мамандықта бірлескен орта құруға үлкен мүмкіндік.
